വെള്ളറട: കാരക്കോണം മെഡിക്കൽ കോളേജ് ആശുപത്രിയിൽ കൊവിഡ് ചികിത്സാ കേന്ദ്രം ആരംഭിച്ചു.

ആശുപത്രി കാമ്പസിനു പുറത്തായി സജ്ജീകരിച്ച ചികിത്സാ കേന്ദ്രത്തിന്റെ ഉദ്ഘാടനം സി.കെ. ഹരീന്ദ്രൻ എം.എൽ.എ നിർവഹിച്ചു. മെഡിക്കൽ കോളേജ് ഡയറക്ടർ ബെനറ്റ് എബ്രഹാം അദ്ധ്യക്ഷത വഹിച്ചു. പ്രിൻസിപ്പൽ സാംസൺ നേശയ്യ,​ മെഡിക്കൽ സൂപ്രണ്ട് എസ്. ബാബുരാജ്, ഗ്രാമപഞ്ചായത്ത് പ്രസിഡന്റ് എച്ച്.എസ്. അരുൺ, ഡോ.പി. സ്റ്റാൻലി ജോൺസ്, ഡോ. വത്സല, റവ. ടി. ദേവപ്രസാദ് തുടങ്ങിയവർ പങ്കെടുത്തു. വെന്റിലേറ്റർ സൗകര്യം,​ ഓപ്പറേഷൻ തിയേറ്റർ,​ ഐ.സി.യു തുടങ്ങിയവ കേന്ദ്രത്തിൽ ക്രമീകരിച്ചിട്ടുണ്ട്. ജനറൽ വാർഡിലും പേ വാർഡിലും സർക്കാർ പ്രഖ്യാപിച്ചിട്ടുള്ള പ്രത്യേക പാക്കേജാണ് നടപ്പാക്കുന്നത്. റാപ്പിഡ് ആന്റിജൻ ടെസ്റ്റും ആരംഭിച്ചു. ആശുപത്രിയിലെ ആരോഗ്യ ആശ്വാസ ആനുകൂല്യ പദ്ധതിയിൽ അംഗത്വമുള്ളവർക്ക് പ്രത്യേക ആനുകൂല്യങ്ങളും നൽകുമെന്ന് അധികൃതർ അറിയിച്ചു.