തിരുവനന്തപുരം: ഗൾഫ് നാടുകളിൽ കുടുങ്ങിയ പ്രവാസികളെ ഇന്ത്യയിലെത്തിക്കാൻ എമിറേറ്റ്സ് സർവീസുകൾ ആരംഭിച്ചു. ഇന്നലെ ആരംഭിച്ച സർവീസ് 31വരെയുണ്ടാകും. ബംഗളൂരു,​ കൊച്ചി,​ ഡൽഹി,​ മുംബയ്,​ തിരുവനന്തപുരം എന്നിവിടങ്ങളിലേക്കും തിരിച്ചുമാണ് സർവീസ്. 22, ​24, ​27,​ 29,​31 തീയതികളിൽ കൊച്ചിയിലേക്കും 26ന് തിരുവനന്തപുരത്തേക്കും സർവീസ് നടത്തും. യു.എ.ഇയിൽ കുടുങ്ങിയ ഇന്ത്യൻ പൗരന്മാരെ മാത്രമേ ഇങ്ങോട്ടുള്ള വിമാനങ്ങളിൽ കയറ്റൂ. തിരിച്ചുള്ളവയിൽ യു.എ.ഇ പൗരന്മാർക്കും യു.എ.ഇയിയുടെ മുൻകൂർ അനുമതി നേടിയ അവിടത്തെ താമസക്കാർക്കും സീറ്റുണ്ടാവും. കൊച്ചിയിൽ നിന്നുള്ള വിമാനം ഇന്നും 23, ​25 ,​28,​ 30 തീയതികളിലും തിരുവനന്തപുരത്ത് നിന്നുള്ളത് 27നും യാത്ര തിരിക്കും. കൂടുതൽ വിവരങ്ങൾക്ക് emirates.com.