വെഞ്ഞാറമൂട്: ജീവകല സാംസ്കാരിക മണ്ഡലത്തിൽ 200 പേർക്ക് ഓണക്കിറ്റുകൾ വിതരണം ചെയ്തു. ഓണക്കിറ്റുകളുടെ വിതരണോദ്ഘാടനം ചലച്ചിത്ര നടൻ സുരാജ് വെഞ്ഞാറമൂട് നിർവഹിച്ചു. എസ്.എച്ച്.ഒ വിജയരാഘവൻ, സജി വി.വി തുടങ്ങിയവർ സംസാരിച്ചു. കൊവിഡ്, പ്രകൃതി ദുരന്തം, വിമാനാപകടം എന്നിവയിൽ ജീവൻ പൊലിഞ്ഞവർക്ക് യോഗം അനുശോചനം രേഖപ്പെടുത്തി. പി. മധു, ജീവകല സെക്രട്ടറി വി.എസ്. ബിജുകുമാർ, പ്രസിഡന്റ് എം.എച്ച്. നിസാർ, എസ്. ഈശ്വരൻ പോറ്റി, പുല്ലമ്പാറ ദിലിപ് തുടങ്ങിയവർ പരിപാടിക്ക് നേതൃത്വം നൽകി.