പാറശാല: കാരോട് പഞ്ചായത്തിൽ എസ്.എസ്.എൽ.സി, പ്ളസ് ടു പരീക്ഷകളിൽ ഉന്നതവിജയം നേടിയ വിദ്യാർത്ഥികളെ അനുമോദിക്കുന്നതിന് ഊരമ്പ് കരുമരം വാരിയേഴ്സ് ക്ലബ് സംഘടിപ്പിച്ച യോഗം പൂവാർ റോട്ടറി ക്ലബ് പ്രസിഡന്റ്‌ രാജൻ വി. പൊഴിയൂർ ഉദ്ഘാടനം ചെയ്തു. ക്ളബ് സെക്രട്ടറി എം. സിന്ധുകുമാർ അദ്ധ്യക്ഷത വഹിച്ചു. ദുരിതമനുഭവിക്കുന്ന തൊഴിലാളികൾക്ക് രണ്ടുലക്ഷം രൂപയോളം ചെലവിൽ ഭക്ഷ്യക്കിറ്റുകളും വിദ്യാർത്ഥികൾക്ക്
പഠനോപകരണങ്ങളും വാങ്ങി നൽകിയ സാമൂഹ്യ പ്രവത്തകനായ ആർ. ബ്രൈറ്റിനെ ചടങ്ങിൽ ആദരിച്ചു.
വാർഡ് മെമ്പർ ഡി.ജി. ധനേഷ്, റിട്ട. അദ്ധ്യാപകൻ മോഹനചന്ദ്രൻ നായർ, വാരിയേഴ്സ് ഷട്ടിൽ കോച്ച് ജി. ജീവാൻസ്‌, ആർ. ജസ്റ്റിൻ, പി. ആദർശ്, രാജി, അഖിലേഷ് തുടങ്ങിയവർ സംസാരിച്ചു. റോട്ടറി ക്ലബ് സെക്രട്ടറി എം. സിന്ധുകുമാർ വിദ്യാർത്ഥികൾക്കുള്ള ഭക്ഷണ പൊതികളും ഭക്ഷ്യക്കിറ്റുകളും വിതരണം ചെയ്തു.