പെരിന്തൽമണ്ണ: സാന്റ് ‌സ്റ്റോണെന്ന വ്യാജേന രേഖകളിൽ കൃതിമം കാണിച്ച് രാജസ്ഥാനിൽ നിന്നും വടകരയിലേക്കു കടത്താൻ ശ്രമിച്ച 10.23 ലക്ഷം രൂപ വിലവരുന്ന 4095 ചതുരശ്ര അടി .ഇറ്റാലിയൻ മാർബിൾ സംസ്ഥാന ജി.എസ്. ടി ഇന്റലിജൻസ് പെരിന്തൽമണ്ണ സ്‌പെഷ്യൽ സ്​ക്വാഡ് പിടികൂടി. 3.69 ലക്ഷം രൂപ നികുതിയും പിഴയും ഈടാക്കി വിട്ടുനൽകി. ഇന്റലിജൻസ് അസിസ്റ്റന്റ് കമ്മിഷണർ എ.എം . ഷംസുദീന്റെ നേതൃത്വത്തിൽ എം. വി. സാദിഖ്, പി.എ ബാസിം, ടി.വി മധുസൂദനൻ, വി.അഞ്ജന, ഡ്രൈവർ കെ.രാജീവ്​ എന്നിവരടങ്ങിയ സംഘമാണ് പരിശോധന നടത്തിയത്. ഉത്സവകാലത്തെ നികുതി വെട്ടിപ്പ് കണ്ടെത്താൻ രൂപവത്കരിച്ച മലപ്പുറം ജില്ല സ്‌പെഷ്യൽ സ്​ക്വാഡുകൾ പരിശോധന ശക്തമാക്കുമെന്ന് ഡെപ്യൂട്ടി കമ്മിഷണർ (ഇന്റലിജൻസ് ) കെ.മുഹമ്മദ്​ സലീം അറിയിച്ചു.