തിരുവനന്തപുരം : ജില്ലയിൽ ഇന്നലെ 391 പേർക്ക് കൊവിഡ് സ്ഥിരീകരിച്ചു. ഇതിൽ സമ്പർക്കത്തിലൂടെ രോഗം ബാധിച്ചവർ 329 പേരാണ്. ഉറവിടമറിയാത്ത 49 പേർക്കും വീട്ടുനിരീക്ഷണത്തിലുണ്ടായിരുന്ന 8 പേർക്കും മറ്റു സംസ്ഥാനങ്ങളിൽ നിന്നും വന്ന മൂന്നുപേർക്കും രോഗം സ്ഥിരീകരിച്ചു. ഇക്കഴിഞ്ഞ 17 ന് മരണമടഞ്ഞ നെയ്യാറ്റിൻകര സ്വദേശി കൃഷ്ണൻതമ്പി, 23 ന് മരിച്ച കുലശേഖരം സ്വദേശി കൃഷ്ണകുമാർ (58) എന്നിവരുടെ കൊവിഡ് പരിശോധനാ ഫലം പോസിറ്റീവായി. പത്ത് ആരോഗ്യപ്രവർത്തകർക്കാണ് ഇന്നലെ രോഗം ബാധിച്ചത്. 303 പേർ ഇന്നലെ രോഗമുക്തി നേടി. ഇന്നലെ ജില്ലയിൽ പുതുതായി 1,800 പേർ രോഗനിരീക്ഷണത്തിലായി. 1,450 പേർ നിരീക്ഷണ കാലയളവ് രോഗ ലക്ഷണങ്ങളൊന്നുമില്ലാതെ പൂർത്തിയാക്കി. ജില്ലയിൽ 19,747 പേർ വീടുകളിലും 676 പേർ സ്ഥാപനങ്ങളിലും കരുതൽ നിരീക്ഷണത്തിലുണ്ട്. ജില്ലയിലെ ആശുപത്രികളിൽ ഇന്ന് രോഗലക്ഷണങ്ങളുമായി 427 പേരെ പ്രവേശിപ്പിച്ചു. 313 പേരെ ഡിസ്ചാർജ് ചെയ്തു. ജില്ലയിലെ ആശുപത്രികളിൽ 3,977 പേർ നിരീക്ഷണത്തിലുണ്ട്. ഇന്നലെ 691 സാമ്പിളുകൾ പരിശോധനയ്ക്കായി അയച്ചു.425 പരിശോധനാഫലങ്ങൾ ലഭിച്ചു. ജില്ലയിൽ 72 സ്ഥാപനങ്ങളിലായി 676 പേർ നിരീക്ഷണത്തിൽ കഴിയുന്നുണ്ട്.

ആകെ നിരീക്ഷണത്തിലുള്ളവർ - 24,400
വീടുകളിൽ നിരീക്ഷണത്തിലുള്ളവർ- 19,747
ആശുപത്രികളിൽ നിരീക്ഷണത്തിലുള്ളവർ- 3,977
കൊവിഡ് കെയർ സെന്ററുകളിൽ നിരീക്ഷണത്തിലുള്ളവർ- 676
ഇന്നലെ നിരീക്ഷണത്തിലായവർ - 1,800