ആറ്റിങ്ങൽ: കല്ലമ്പലം മേഖലയിലെ റേഷൻ കടകളിലും പൊതു വിപണിയിലും ബുധനാഴ്ച ചിറയിൻകീഴ് താലൂക്ക് സപ്ലൈ ഓഫീസറുടെ നേതൃത്വത്തിൽ പരിശോധന നടന്നു. പൊതു വിപണിയിൽ 10 കടകളിൽ ക്രമക്കേട് കണ്ടെത്തി.വില വിവര പട്ടിക പ്രസിദ്ധീകരിക്കാതിരിക്കൽ,​ പച്ചക്കറികൾക്ക് അമിത വില ഈടാക്കൽ, കൊവിഡ് മാനദണ്ഡങ്ങൾ പാലിക്കാതിരിക്കൽ എന്നീ ക്രമക്കേടുകളാണ് കണ്ടെത്തിയത്. കട ഉടമകൾക്ക് നോട്ടീസ് നൽകുകയും ജില്ലാ കളക്ടർക്ക് റിപ്പോർട്ട് നൽകുകയും ചെയ്തു. താലൂക്ക് സപ്ലൈ ഓഫീസർ പി.എസ്. സേവ്യർ ഷാജി,​ റേഷനിംഗ് ഇൻസ്പെക്ടർമാരായ എ. സുലൈമാൻ,​ ഒ.എസ്. ബിജു എന്നിവർ പരിശോധനയിൽ പങ്കെടുത്തു.