തിരുവനന്തപുരം: റവന്യൂ വകുപ്പിലെ ജീവനക്കാരുടെ സ്ഥലം മാറ്റത്തിന് പൊതുമാനദണ്ഡങ്ങളും വ്യവസ്ഥകളും പാലിക്കണമെന്ന് വകുപ്പ് സെക്രട്ടറി ഡോ.എ.ജയതിലക് ഉത്തരവിട്ടു. ലാൻഡ് റവന്യൂ കമ്മിഷണർ നൽകിയ ശുപാർശയുടെ അടിസ്ഥാനത്തിൽ, ക്രമക്കേടുകളം ഇടപെടലും ഒഴിവാക്കാനാണിത്.

പുതിയ മാനദണ്ഡങ്ങൾ ...

സംസ്ഥാനതല സ്ഥലംമാറ്റങ്ങൾ മാർച്ച് 31നകവും ജില്ലാതലത്തിൽ ഏപ്രിൽ 30നകവും .
 അപേക്ഷ ജനുവരി 1മുതൽ 31 നകം സമർപ്പിക്കണം.
 ഒഴിവുകൾക്കനുസൃതമായി മുൻഗണനാക്രമത്തിൽ കരട് പട്ടിക തയ്യാറാക്കി ഫെബ്രുവരി 28 നകം നോട്ടീസ് ബോർഡിസും വെബ്‌സൈറ്റിലും പ്രസിദ്ധീകരിക്കണം
ആക്ഷേപങ്ങളുണ്ടെങ്കിൽ 15 ദിവസത്തിനകം രേഖാമൂലം ബന്ധപ്പെട്ട അധികാരിയെ അറിയിക്കണം.
 ആക്ഷേപങ്ങൾ തീർപ്പാക്കി മുൻഗണനാ പട്ടിക മാർച്ച് 31നകം നോട്ടീസ് ബോർഡിലും ഔദ്യോഗിക വെബ്‌സൈറ്റിൽ പ്രസിദ്ധീകരിച്ച് മേയ് ഒന്നുമുതൽ നടപ്പാക്കണം.
നിശ്ചിതസ്ഥലത്ത് മൂന്നു വർഷം പൂർത്തിയാകാത്ത ജീവനക്കാരെ സ്ഥലം മാറ്റ ഉത്തരവ് പുറപ്പെടുവിക്കുന്നത് വരെയോ അല്ലെങ്കിൽ മെയ് 31 വരെയോ സ്ഥലം മാറ്റാൻ പാടില്ല. അച്ചടക്ക നടപടിയുടെ ഭാഗമായ സ്ഥലം മാറ്റത്തിന് ഇത് ബാധകമല്ല.
 മൂന്നു വർഷത്തെ സേവനം പൂർത്തിയാക്കിയെന്ന കാരണത്താൽ ഒരാളെ ഈ സ്ഥലം മാറ്റേണ്ടതില്ല.അഞ്ചു വർഷം പൂർത്തിയായാൽ നിർബന്ധമായും മാറ്റം നൽകണം.
.