തിരുവനന്തപുരം : ഓണനാളുകളിലെ പൂജകൾക്കായി ശബരിമല നട ഇന്ന് വൈകിട്ട് 5ന് തുറക്കും. ക്ഷേത്രതന്ത്രി കണ്ഠരര് രാജീവരരുടെ മുഖ്യകാർമ്മികത്വത്തിൽ ക്ഷേത്ര മേൽശാന്തി എ.കെ.സുധീർ നമ്പൂതിരി നടതുറന്ന് ദീപങ്ങൾ തെളിക്കും. 30 ന് ഉത്രാടപൂജ. 31 ന് തിരുവോണ പൂജ, സെപ്തംബർ 1ന് അവിട്ടം, 2 ന് ചതയം പൂജകൾ നടക്കും. 2 ന് രാത്രി 7.30 ന് ഹരിവരാസനം പാടി നട അടയ്ക്കും. കൊവിഡ് നിയന്ത്രണങ്ങൾ ഉള്ളതിനാൽ ഭക്തർക്ക് പ്രവേശനം ഉണ്ടാകില്ല. കന്നിമാസ പൂജകൾക്കായി സെപ്തംബർ 16 ന് തുറക്കുന്ന നട 21 ന് അടയ്ക്കും.