തിരുവനന്തപുരം: ആരോഗ്യസർവകലാശാലാ പ്രോ വൈസ് ചാൻസലറായി ഡോ.സി. പി. വിജയനെ ഗവർണർ നിയമിച്ചു. കഴിഞ്ഞ മേയ് മുതൽ പ്രോ വൈസ് ചാൻസലറുടെ അധിക ചുമതല അദ്ദേഹത്തിനായിരുന്നു. സർവകലാശാലയുടെ ബോർഡ് ഒഫ് സ്​റ്റഡീസ് അക്കാഡമിക് കൗൺസിൽ, ഗവേണിംഗ് കൗൺസിൽ എന്നിവയിൽ അംഗമായിരുന്നു. മികച്ച അദ്ധ്യാപകനുള്ള ആരോഗ്യ സർവകലാശാലയുടെ പ്രഥമ അവാർഡ് നേടിയിട്ടുണ്ട്. കോട്ടയം ഗവ.മെഡിക്കൽ കോളേജിലെ ഗൈനക്കോളജി മേധാവിയായിരുന്ന ഡോ.വിജയൻ കെ.ജി.എം.സി.ടി.എ, ഐ.എം.എ , കെ.എഫ്.ഒ.ജി തുടങ്ങിയ സംഘടനകളുടെ സംസ്ഥാന ഭാരവാഹിയാണ്.