തിരുവനന്തപുരം : സംസ്ഥാനത്ത് 2154 പേർക്ക് കൂടി കൊവിഡ് സ്ഥിരീകരിച്ചു. ഇതിൽ 1962 പേർ സമ്പർക്ക രോഗികളാണ്. 174 പേരുടെ ഉറവിടം വ്യക്തമല്ലെന്നും മന്ത്രി കെ.കെ.ശൈലജ അറിയിച്ചു. 33 ആരോഗ്യ പ്രവർത്തകരും രോഗബാധിതരായി. ഏഴു മരണങ്ങളും റിപ്പോർട്ട് ചെയ്തു. അതേസമയം 1766 പേർ രോഗമുക്തരായി.

രോഗവ്യാപനം രൂക്ഷമായ തിരുവനന്തപുരത്ത് 310 പുതിയ കേസുകൾ റിപ്പോർട്ട് ചെയ്തു. കോഴിക്കോട് 304, എറണാകുളം 231, കോട്ടയം 223, മലപ്പുറം 195, കാസർകോട് 159, കൊല്ലം, തൃശൂർ എന്നിവിടങ്ങളിൽ 151 പേർക്ക് വീതം, പത്തനംതിട്ടയിൽ 133, കണ്ണൂർ 112 എന്നിങ്ങനെയാണ് ഇന്നലെ ജില്ലകളിലെ രോഗവ്യാപന സ്ഥിതി.