മാവേലിക്കര- ചെട്ടികുളങ്ങര ശ്രീനാരായണ ഗുരുധർമ്മാനന്ദ സേവാശ്രമത്തിന്റെ ആഭിമുഖ്യത്തിൽ 165ാമത് ശ്രീനാരായണ ഗുരുദേവ ജയന്തി വിളംമ്പരാഘോഷം നടത്തി. സേവാശ്രമത്തിൽ രാവിലെ പതാക ഉയർത്തൽ, ഹവനം, ഗുരുപൂജ, പ്രാർത്ഥനയജ്ഞം, പൊതുസമ്മേളനം, ഉച്ചക്ക് സമൂഹസദ്യ എന്നിവ നടന്നു. പൊതുസമ്മേളനം ആശ്രമാചാര്യൻ ഗുരു ജ്ഞാനാനന്ദൻ സ്വാമി ഉദ്ഘാടനം ചെയ്തു. യോഗത്തിൽ ഹംസധ്വനി എഡിറ്റർ എൻ.ശശീന്ദ്രൻ അദ്ധ്യക്ഷനായി. സേവാസമിതി വൈസ് പ്രസിഡന്റ് പ്രേമാനന്ദൻ സ്വാമി ജയന്തി സന്ദേശം നൽകി. സമിതി പ്രസിഡന്റ് ആർ.അരവിന്ദാക്ഷൻ, വൈസ് പ്രസിഡന്റ് പ്രൊ.പി.ഡി.ദത്തൻ, ജോ.സെക്രട്ടറി ബേബി ഹരിദാസ് മുഖ്യപ്രഭാഷണം നടത്തി. യോഗത്തിൽ സേവാസമിതി ജനറൽ സെക്രട്ടറി അനിൽ.കെ ശിവരാജ് സ്വാഗതവും വത്സല രാമചന്ദ്രൻ നന്ദിയും പറഞ്ഞു.