ആലപ്പുഴ: മാലിന്യ സംസ്‌ക്കരണത്തിൽ ശ്രദ്ധേയമായ പ്രവർത്തനങ്ങൾ നടപ്പാക്കി ശുചിത്വ പദവിയിലെത്തി പള്ളിപ്പുറം ഗ്രാമപഞ്ചായത്ത്.പഞ്ചായത്ത് അങ്കണത്തിൽ നടന്ന ചടങ്ങിൽ പ്രസിഡന്റ് പി.ആർ ഹരിക്കുട്ടൻ ശുചിത്വ പദവി പ്രഖ്യാപനം നടത്തി. നിലവിൽ 34 ഹരിതകർമ്മസേന അംഗങ്ങളാണ് പള്ളിപ്പുറം ഗ്രാമ പഞ്ചായത്തിൽ പ്രവർത്തിക്കുന്നത്. പഞ്ചായത്തിലെ എല്ലാ വീടുകളും, സ്ഥാപനങ്ങളും യൂസർഫീ നൽകി അജൈവമാലിന്യ സംസ്‌കരണ പ്രവർത്തനത്തിൽ പങ്കാളികളാകുന്നു. പഞ്ചായത്തിലെ അജൈവ മാലിന്യങ്ങൾ താൽകാലികമായി സൂക്ഷിക്കുന്നത്തിനും തരം തിരിക്കുന്നത്തിനുമായി മെറ്റീരീയൽ കളക്ഷൻ ഫെസിലിറ്റി (എം.സി.എഫ്. ) കേന്ദ്രം സ്ഥാപിച്ചിട്ടുണ്ട്. പ്ലാസ്റ്റിക് സംസ്‌ക്കരണത്തിനായി പ്ലാസ്റ്റിക് ഷ്രെഡിംഗ് യൂണിറ്റും പഞ്ചായത്തിൽ പ്രവർത്തിക്കുന്നുണ്ട്. നിരത്തുകൾ മാലിന്യരഹിതമാക്കുകയും പൊതു ചടങ്ങുകളിൽ ഗ്രീൻ പ്രോട്ടോക്കോൾ നടപ്പാക്കുകയും ചെയ്തു.

വൈസ് പ്രസിഡന്റ് മിനിമോൾ സുരേന്ദ്രൻ, ആരോഗ്യ വിദ്യാഭ്യാസ ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ പി.ജി.മോഹനൻ, പഞ്ചായത്തംഗം കെ.കെ.രമേശൻ, അസി.സെക്രട്ടറി ജയശ്രീ നായിക്, ജീവനക്കാർ എന്നിവർ ചടങ്ങിൽ പങ്കെടുത്തു.

നടപടികൾ ഇങ്ങനെ

 പൊതുസ്ഥലങ്ങളിൽ മാലിന്യനിക്ഷേപം നടത്തുന്നവരെ കണ്ടെത്താൻ കാമറകൾ

 പൊതു സ്ഥലങ്ങളിലും ജലാശയങ്ങളിലും മാലിന്യ നിക്ഷേപം നടത്തുന്നവർക്കെതിരെ നിയമനടപടി

 നിയമ ലംഘനം നടത്തുന്നവരിൽ നിന്ന് ഫൈൻ ഈടാക്കും
ഹരിത കർമ്മ സേനാംഗങ്ങളെ ഉപയോഗിച്ച്തുണി സഞ്ചി നിർമ്മാണം