ആലപ്പുഴ: ജില്ലയിലെ വിവിധ താലൂക്കുകളിലായി 5,94,051 കാർഡുടമകളിൽ 5,22,486 പേർക്ക് സൗജന്യ ഓണക്കി​റ്റ് വിതരണം നടത്തി . എ.എ.വൈ വിഭാഗത്തിൽ 38,771 പേർക്കും, പി.എച്ച്.എച്ച് (മുൻഗണന) വിഭാഗത്തിൽ 2,25,236 പേർക്കും പൊതു വിഭാഗം സബ്സിഡിയിൽ 1,28,903 പേർക്കും പൊതു വിഭാഗം നോൺ സബ്സിഡിയിൽ 1,29,576 പേർക്കുമാണ് സൗജന്യ കി​റ്റ് വിതരണം നടത്തിയത്.

കടൽ ക്ഷോഭവും കൊവിഡും മൂലം ബുദ്ധിമുട്ട് അനുഭവിച്ചിരുന്ന 16,912 മത്സ്യ തൊഴിലാളികൾക്ക് കി​റ്റ് വിതരണം നടത്തി. ഇപ്പോഴും കി​റ്റ് വിതരണം തുടരുകയാണെന്ന് ജില്ല സപ്ലൈ ഓഫീസർ എം.എസ്.ബീന അറിയിച്ചു.