ഹരിപ്പാട്: ക്ഷേത്ര കുളത്തിൽ കുളിക്കാനിറങ്ങിയ വയോധികൻ മുങ്ങി മരിച്ചു. എരിക്കാവ് പൊത്തപ്പള്ളി മോനിഷാ ഭവനത്തിൽ രാധാകൃഷ്ണൻ (56) ആണ് മരിച്ചത്. ഇന്നലെ വൈകുന്നേരം നാലരയോടെ ഹരിപ്പാട് സുബ്രഹ്മണ്യസ്വാമി ക്ഷേത്രക്കുളത്തിൽ കുളിക്കാൻ ഇറങ്ങിയപ്പോഴാണ് സംഭവം. ഉടൻ തന്നെ നാട്ടുകാരും, ഫയർ ഫോഴ്‌സും, പൊലീസും, ഹരിപ്പാട് എമർജൻസി റെസ്ക്യൂ ടീം പ്രവർത്തകരും എത്തി നടത്തിയ തിരച്ചിലിൽ മൃതദേഹം കണ്ടെത്തി. ആശുപത്രിയിൽ എത്തിച്ച് മരണം സ്ഥിരീകരിച്ച് മൃതദേഹം ഹരിപ്പാട് താലൂക്ക് ആശുപത്രി മോർച്ചറിയിലേക്ക് മാറ്റി. ഹരിപ്പാടും പരിസര പ്രദേശങ്ങളിലും ലോട്ടറി കട്ടവടം നടത്തി വരികയായിരുന്നു. ഭാര്യ: അമ്മിണി. മക്കൾ: രാകേഷ്, മോനിഷ.