കുട്ടനാട്: എസ്.എൻ.ഡി.പി യോഗം കുട്ടനാട് യൂണിയന്റെ ആഭിമുഖ്യത്തിൽ ഇന്ന് അദ്ധ്യാപകദിനാഘോഷം നടത്തും. വിവിധ ശാഖായോഗങ്ങളുടെ കിഴീലെ സ്‌കൂളുകളിലെ അദ്ധ്യാപകരെ ആദരിക്കുന്നതിന് പുറമെ കുരുന്നുകളുടെ വക ആദരമൊരുക്കുകയും ചെയ്യും. . ഉച്ചയ്ക്ക് 2.30ന് യൂണിയൻ പ്രാർത്ഥനാ ഹാളിൽ നടക്കുന്ന ചടങ്ങ് യൂണിയൻ വൈസ് ചെയർമാൻ എം ഡി ഓമനക്കുട്ടൻ ഉദ്ഘാടനം ചെയ്യും. യൂണിയൻ കൺവീനർ സന്തോഷ് ശാന്തി സ്വാഗതം പറയും. യൂണിയൻ അഡ്മിനിസ്‌ട്രേറ്റിവ് കമ്മറ്റിയംഗം ടി.എസ് പ്രദീപ്കുമാർ അദ്ധ്യക്ഷത വഹിക്കും. അഡ്മിനിസ്‌ട്രേറ്റിവ് കമ്മറ്റിയംഗങ്ങളായ എം.പി പ്രമോദ്, അഡ്വ.എസ് അജേഷ്‌കുമാർ, എ.കെ ഗോപിദാസ്, കെ.കെ.പൊന്നപ്പൻ, പി.ബി. ദിലീബ്, യൂത്ത്മൂവ്‌മെന്റ് യൂണിയൻ പ്രസിഡന്റ് കെ.പി.സുബീഷ്, സെക്രട്ടറി പി ആർ രതീഷ് വനിതാസംഘം സെക്രട്ടറി സജിനി മോഹൻ, എംപ്ലോയിസ് ഫോറം സംസ്ഥാന ജോയിന്റ് സെക്രട്ടറി ഗോകുൽദാസ്, സൈബർസേന യൂണിയൻ കൺവീനർ എസ് ശരത്കുമാർ എന്നിവർ സംസാരിക്കും.