മാന്നാർ: ശക്തമായ കാറ്റിലും മഴയിലും മാന്നാർ മേഖലയിൽ വ്യാപക നാശം. ചെന്നിത്തല പഞ്ചായത്ത് തെക്കുംമുറിയാൽ ചോവാലിൽ തുണ്ടിൽ വർഗീസ് ജോണിന്റെ വീടിന്റെ മേൽ പ്ലാവ് കടപുഴകി വീണു. കാർപോർച്ചിനും വീടിന്റെ ട്രെസ്‌ വർക്കിനും നാശമുണ്ടായി. മാന്നാർ പഞ്ചായത്ത് വാഴത്തറ കിഴക്ക് കോയിത്തുരത്ത് ഭാഗത്ത് കാറ്റിൽ മരം വീണു. പാവുക്കര പോസ്റ്റ് ഓഫീസിനു വടക്ക് ഭാഗത്തുള്ള വൈദ്യുതലൈൻ പൊട്ടിവീണു. ബുധനൂർ ശക്തികുളങ്ങര, തോപ്പിൽ ചന്ത എന്നിവിടങ്ങളിൽ കാറ്റിൽ മരങ്ങൾ വീണു.