ചേർത്തല: ചേർത്തല സർക്കാർ പോളി ടെക്‌നിക് കോളേജിൽ ഈ അദ്ധ്യയന വർഷത്തെ ഡിപ്ലോമ ലാ​റ്ററൽ എൻട്രി റാങ്ക് ലിസ്​റ്റിൽ ഉൾപ്പെട്ട അപേക്ഷകർ 14 ന് അസൽ സർട്ടിഫിക്ക​റ്റുകളും ഫീസും സഹിതം രക്ഷിതാക്കളുമായി എത്തണം.ഐ.ടി.ഐ, കെ.ജി.സി.ഇ റാങ്ക് ലിസ്​റ്റിൽ ഉൾപ്പെട്ടവരും മെക്കാനിക്കൽ, ഇലക്ട്രോണിക്‌സ് ആന്റ് കമ്മ്യൂണിക്കേഷൻ, ഇൻട്രുമെന്റേഷൻ എന്നീ ബ്രാഞ്ചുകളിലേക്ക് അപേക്ഷിച്ചിട്ടുള്ള റാങ്ക് ലിസ്​റ്റിൽ ഉൾപ്പെട്ടവരും രാവിലെ ഒൻപത് മുതൽ പത്ത് വരെയും പ്ലസ് ടു, വി.എച്ച്.എസ്.സി റാങ്ക് ലിസ്​റ്റിൽ ഉൾപ്പെട്ടവർ പത്ത് മുതൽ 11 വരെയും രജിസ്‌ട്രേഷൻ നടത്തണം. ഫീസ് ആനുകൂല്യത്തിന് അർഹതയുള്ളവർ ജാതി,വരുമാന സർട്ടിഫിക്ക​റ്റുകൾ ഹാജരാക്കണമെന്നും നിർദ്ദിഷ്ട സമയത്ത് എത്തുന്നവരെ പ്രവേശിപ്പിക്കുകയുള്ളുയെന്നും പ്രിൻസിപ്പൽ അറിയിച്ചു.അഡ്മിഷൻ സംബന്ധിച്ച വിശദവിരങ്ങൾ www.polyadmission.org/let എന്ന വെബ് സൈറ്റിലും ,പോളിടെക്നിക് വെബ് സൈറ്റായ www.gptccherthala.org ലും ലഭ്യമാണ്.