അമ്പ​ല​പ്പു​ഴ: ആലപ്പുഴ ബീച്ചിൽ കളിക്കുന്നതിനിടെ അമ്മയുടെ കയ്യിൽ നിന്നു വഴുതിപ്പോയി തിരയിൽപ്പെട്ട ര​ണ്ട​ര വ​യ​സു​കാ​ര​ന്റെ മൃ​ത​ദേ​ഹം ഇന്നലെ രാവിലെ പുന്നപ്ര കടൽത്തീരത്തടിഞ്ഞു.

പാ​ല​ക്കാ​ട് വ​ട​ക്ക​ഞ്ചേ​രി കി​ഴ​ക്ക​ഞ്ചേ​രി കൊ​ഴു​ക്കു​ള്ളി വീ​ട്ടി​ൽ ല​ക്ഷ്മ​ണ​ൻ-​അ​നി​ത (മോ​ളി) ദ​മ്പ​തി​ക​ളു​ടെ മ​ക​ൻ ആ​ദി​കൃ​ഷ്ണ​യുടെ മൃതദേഹമാണ് കോ​സ്റ്റ്ഗാ​ർ​ഡ്, പൊ​ലീ​സ്, ലൈ​ഫ്ഗാ​ർ​ഡ് എ​ന്നി​വ​രു​ടെ നേ​തൃ​ത്വ​ത്തി​ൽ തെര​ച്ചി​ൽ ന​ടക്കുന്നതിനിടെ തീരത്തടിഞ്ഞത്. ഒ​പ്പ​മു​ണ്ടാ​യി​രു​ന്ന മൂ​ത്ത​കു​ട്ടി​യെ​യും അ​നി​തയെയും ഇ​വ​രു​ടെ സ​ഹോ​ദ​ര​ന്റെ കു​ട്ടി​യെ​യും ബ​ന്ധുവായ ബി​നു ര​ക്ഷ​പ്പെ​ടു​ത്തി​യി​രു​ന്നു. ഞാ​യ​റാ​ഴ്ച ഉ​ച്ചയ്ക്ക് 2.45നാ​യി​രു​ന്നു സം​ഭ​വം. ബീ​ച്ച്‌ സ​ന്ദ​ർശ​ന​ത്തി​ന് വി​ജ​യ പാ​ർ​ക്കി​ന് സ​മീ​പം​ എത്തി​യ സം​ഘ​ത്തെ അ​പ​ക​ടാ​വ​സ്ഥ ചൂ​ണ്ടി​ക്കാ​ട്ടി പൊ​ലീ​സ് തി​രി​ച്ച​യ​ച്ച​തോ​ടെ ഇ​വ​ര്‍ ഇ​.എ​സ്.‌ഐ ആ​ശു​പ​ത്രി​ക്കു സ​മീ​പം ആ​ളൊ​ഴി​ഞ്ഞ ഭാ​ഗ​ത്തെ​ത്തു​ക​യാ​യി​രു​ന്നു. പുന്നപ്ര പൊലീസ് ഇൻക്വസ്റ്റ് തയ്യാറാക്കി മൃതദേഹം മോർച്ചറിയിലേക്കു മാറ്റി.