അമ്പലപ്പുഴ: നിയന്ത്രണം തെറ്റിയ ബൈക്ക് മതിലിൽ ഇടിച്ച് അച്ഛനും മകനും ഗുരുതര പരിക്കേറ്റു. കഞ്ഞിപ്പാടം കൊപ്പാറക്കടവ് ചിറ്റാന്തറ വീട്ടിൽ സുദർശനൻ (65),മകൻ ടെൻസ് (30) എന്നിവർക്കാണ് പരിക്കേറ്റത്.ഇന്നലെ വൈകിട്ട് 6 ഓടെ എസ്.എൻ. കവല -കഞ്ഞിപ്പാടം റോഡിൽ കള്ളു പീടികക്കു സമീപമായിരുന്നു അപകടം. എസ്.എൻ. കവലയിലേക്കു പോകുകയായിരുന്ന സുദർശനനും, മകനും സഞ്ചരിച്ചിരുന്ന ബൈക്ക് നിയന്ത്രണം തെറ്റി റോഡരുകിലെ മതിലിൽ ഇടിക്കുകയായിരുന്നു. ഗുരുതര പരിക്കേറ്റ ഇരുവരേയും ഓടിക്കൂടിയ നാട്ടുകാർ ആലപ്പുഴ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.