മാവേലിക്കര: ചെട്ടികുളങ്ങര ശ്രീനാരായണ ഗുരുധർമ്മാനന്ദ സേവാശ്രമത്തിന്റെ നേതൃത്വത്തിൽ 21ന് മഹാസമാധി ദിനാചരണം നടത്തും. ആശ്രമത്തിൽ രാവിലെ 6.30ന് ഹവനം, ഗുരുപൂജ, പ്രാർത്ഥന യജ്ഞം, 9ന് സമൂഹപ്രാർത്ഥന, 10ന് കഞ്ഞിവീഴ്ത്തൽ, 11ന് അനുസ്മരണ സമ്മേളനം, 3.15ന് മഹാസമാധി പ്രാർത്ഥന, 4ന് വസ്ത്രധാനം എന്നിവ നടക്കും.

അനുസ്മരണ സമ്മേളനം ആശ്രമാചാര്യൻ ഗുരു ജ്ഞാനാനന്ദൻ സ്വാമി ഉദ്ഘാടനം ചെയ്യും. സേവാസമിതി പ്രസിഡന്റ് ആർ.അരവിന്ദാക്ഷൻ അദ്ധ്യക്ഷനാകും. യോഗത്തിൽ ഹംസധ്വനി എഡിറ്റർ എൻ.ശശീന്ദ്രൻ മുഖ്യപ്രഭാഷണം നടത്തും. സേവാസമിതി മുൻ പ്രസിഡന്റ് കെ.ഹേമചന്ദ്രൻ കാവ്യാർച്ചന നടത്തും. വൈസ് പ്രസിഡന്റ് പ്രേമാനന്ദൻ സ്വാമി മഹാസമാധി സന്ദേശം നൽകും. മുൻ ജോ.സെക്രട്ടറി ബേബി ഹരിദാസ്, വസന്താദേവി എന്നിവർ സംസാരിക്കും. യോഗത്തിൽ സേവാസമിതി ജനറൽ സെക്രട്ടറി അനിൽ.കെ ശിവരാജ് സ്വാഗതവും ഗുരുകുല വിദ്യാർത്ഥി ഗുരുരാജ്.എസ് നന്ദിയും പറയും.