ആലപ്പുഴ: അതില​റ്റിക്കോ ഡി ആലപ്പുഴയുടെ പുതിയ സംരംഭമായ ''കയക്'' ബോട്ടുകളുടെ പരിശീലനപരിപാടി ഇന്ന് ആരംഭിക്കും. ക്ലബ്ബ് സ്വന്തമായി വാങ്ങിയ ബോട്ടുകൾ കായിക വിനോദത്തിൽ ഏർപ്പെട്ടിരിക്കുന്ന ആർക്കും സ്ത്രീ- പുരുഷ ഭേദമന്യേ പരിശീലനത്തിന് ഉപയോഗിക്കാം.

ബോട്ടുകളുടെ ഉദ്ഘാടനം രാവിലെ 8.30 ന് ആലപ്പുഴ മുനിസിപ്പൽ ചെയർമാൻ ഇല്ലിക്കൽ കുഞ്ഞമോൻ നിർവഹിക്കും. ജില്ലാ സ്‌പോർട്സ് കൗൺസിൽ പ്രസിഡന്റ് പി.ജെ .ജോസഫ് മുഖ്യാതിഥിയാകും. മുൻസിപ്പൽ സ്റ്റാൻഡിംഗ് കമ്മി​റ്റി ചെയർമാൻ മനോജ് കുമാർ, ടോമി പുലിക്കാട്ടിൽ, കെ. കെ. നാസർ തുടങ്ങിയവർ പങ്കെടുക്കും. ക്ലബ് പുറത്തിറക്കുന്ന ഒഫീഷ്യൽ ജെഴ്സി യുടെ ഉദ്ഘാടനം സിനിമാ നടൻ സണ്ണി വെയിൻ നിർവഹിക്കും.