ചേർത്തല:താലൂക്ക് സമാധിദിനാചരണകമ്മി​റ്റിയും ശ്രീനാരായണമെമ്മോറിയൽ ഗവ. ബോയ്‌സ് ഹയർസെക്കൻഡറി സ്‌കൂളും ചേർന്ന് ശ്രീനാരായണഗുരുസമാധിദിനം ആചരിക്കും.കൊവിഡ് മാനദണ്ഡങ്ങൾ പാലിച്ചാണ് ഇക്കുറി ദിനാചരണം.മൗനജാഥ ഒഴിവാക്കിയാണ് ചടങ്ങുകൾ.
21ന് രാവിലെ 9.30ന് എസ്.എൻ.എം.ജി.ബി.എച്ച്.എസ്.എസിൽ പ്രിൻസിപ്പൽ ലെജുമോൾ പതാകഉയർത്തും.11ന് കളവംകോടം ശക്തീശ്വരം ക്ഷേത്രത്തിൽ നിന്നും ദീപശിഖ വിജയഘോഷ് ചാരങ്കാട്ട് ഏ​റ്റുവാങ്ങും.12ന് സ്‌കൂളങ്കണത്തിൽ ഗുരുദേവചിത്രത്തിനുമുന്നിൽ ദീപശിഖ സമർപ്പിക്കും.2.30നു നടക്കുന്ന അനുസ്മരണ സമ്മേളനം ഷാനിമോൾ ഉസ്മാൻ എം.എൽ.എ ഉദ്ഘാടനം ചെയ്യും.സമാധിദിനാചരണകമ്മി​റ്റി ചെയർമാൻ വിജയഘോഷ്ചാരങ്കാട്ട് അദ്ധ്യക്ഷനാകും.3.30ന് സമാധി പ്രാർത്ഥന.