ചാരുംമൂട്: ശ്രീനാരായണ ഗുരുവിന്റെ 93 -ാമത് മഹാസമാധി ദിനം വൈദിക ചടങ്ങുകൾ മാത്രമായി ചാരുംമൂട് യൂണിയനി​ൽ ആചരിച്ചു. കൊവിഡ് നിയന്ത്രണങ്ങൾക്ക് വിധേയമായി​ രാവിലെ ഗുരുക്ഷേത്രങ്ങളിലും ഭവനങ്ങളിലും യൂണിയൻ ഓഫീസിലും സമൂഹപ്രാർത്ഥന നടത്തി. വൈകിട്ട് 3.30ന് സമാധി പ്രാർത്ഥനയോടെ ചടങ്ങുകൾ സമാപിച്ചു. യൂണിയൻ ഭാരവാഹികളായ ജയകുമാർ പാറപ്പുറം, ബി.സത്യപാൽ, രഞ്ജിത് രവി, എസ്.എസ്.അഭിലാഷ് കുമാർ, വി.ചന്ദ്രബോസ്, വനിതാ സംഘം, യൂത്ത് മൂവ്മെന്റ് ഭാരവാഹികളായ വന്ദന സുരേഷ് , സ്മിത ദ്വാരക, വി.വിഷ്ണു ശ്രീക്കുട്ടൻ, മഹേഷ്, ശ്രാവൺ എന്നിവർ വിവിധ ശാഖാ യോഗങ്ങളിലെ ചടങ്ങുകൾക്ക് നേതൃത്വം നൽകി.