ചേർത്തല:കേരള സംഗീത നാടക അക്കാഡമിയുടെ ഈ വർഷത്തെ ഗുരുപൂജ അവാർഡിനർഹനായ ചേർത്തല രാജനെ നാടക പ്രവർത്തകർ വീട്ടിലെത്തി ആദരിച്ചു. ബേബി തോമസ് പരിപാടിക്ക് നേതൃത്വം നൽകി.പ്രശസ്ത നാടക രചയിതാവ് കെ.കെ.ആർ കായിപ്പുറം അദ്ധ്യക്ഷനായി.മുഹമ്മ അജി, അർജുൻ രാജ് എന്നിവർ പങ്കെടുത്തു. കേരളാ യൂണിവേഴ്‌സി​റ്റി നാടക മത്സരത്തിൽ സംസ്ഥാന അവാർഡ് ജേതാവ് തുടങ്ങി കഴിഞ്ഞ 50 വർഷമായി കേരളത്തിലെ വിവിധ നാടക സമിതികളിൽ അഭിനേതാവായും സംവിധായകനായും പ്രവർത്തിച്ചു വരികയായിരുന്നു.