ആലപ്പുഴ: ജില്ലയിൽ ഇന്നലെ 551 പേർക്ക് കൊവിഡ് സ്ഥിരീകരിച്ചതോടെ ചികിത്സയിലുള്ളവരുടെ എണ്ണം 3793 ആയി. 513 പേർക്ക് സമ്പർക്കത്തിലൂടെയാണ് രോഗം ബാധിച്ചത്.
12 പേർ വിദേശത്തുനിന്നും 20 പേർ അന്യസംസ്ഥാനങ്ങളിൽ നിന്നും എത്തിയവരാണ്. മൂന്ന് ആരോഗ്യപ്രവർത്തകർക്ക് രോഗം സ്ഥിരീകരിച്ചിട്ടുണ്ട്. രോഗം സ്ഥിരീകരിച്ച മൂന്നുപേരുടെ സമ്പർക്ക ഉറവിടം വ്യക്തമല്ല.

 ജില്ലയിൽ നിരീക്ഷണത്തിലുള്ളവർ: 12,597

 വിവിധ ആശുപത്രികളിൽ കഴിയുന്നവർ: 3070

 ഇന്നലെ ആശുപത്രികളിൽ ഉള്ളവർ:446

കേസ് 50, അറസ്റ്റ് 27
കൊവിഡ് മാനദണ്ഡ ലംഘനവുമായി ബന്ധപ്പെട്ട് 50 കേസുകളിൽ 27 പേരെ അറസ്റ്റ് ചെയ്തു. മാസ്‌ക്ക് ധരിക്കാത്തതിന് 257 പേർക്കും സാമൂഹ്യ അകലം പാലിക്കാത്തതിന് 1146 പേർക്കും കണ്ടെയ്ൻമെൻറ് സോൺ ലംഘനം നടത്തിയ രണ്ടു പേർക്കെതിരെ നടപടി സ്വീകരിച്ചു.