ആലപ്പുഴ: കൈനകരി വാവക്കാട് പാടശേഖരത്തിൽ അടിക്കടി ഉണ്ടാകുന്ന മടവീഴ്ച തടയാൻ സർക്കാർ അടിയന്തര നടപടി സ്വീകരിക്കണമെന്ന് ആവശ്യപ്പെട്ട് നെല്ലുത്പാദക സമിതി മുഖ്യമന്ത്രിക്കും കൃഷിമന്ത്രിക്കും നൽകിയ നിവേദനത്തിൽ ആവശ്യപ്പെട്ടു. കഴിഞ്ഞ ആഗസ്റ്റിൽ ഉണ്ടായ മടവീഴ്ചയിൽ രണ്ടാം കൃഷി പൂർണ്ണമായും നശിച്ചു. മടകുത്താൻ അനുവദിച്ച തുക വേണ്ട വിധം വിനിയോഗിക്കുന്നതിൽ അധികാരികൾ വീഴ്ച വരുത്തിയെന്ന് ഭാരവാഹികൾ ആരോപിച്ചു.