തുറവൂർ: വാഹനാപകടത്തിൽ പരിക്കേറ്റ് ചികിത്സയിലായിരുന്ന ഗൃഹനാഥൻ മരിച്ചു. തുറവൂർ പഞ്ചായത്ത്‌ നാലാം വാർഡ് കൊല്ലാക്കിൽ നികർത്തിൽ ജി.രവീന്ദ്രൻ(58) ആണ് മരിച്ചത്. ദേശീയ പാതയിൽ പട്ടണക്കാട് മിൽമ കാലിത്തീറ്റ ഫാക്ടറിക്കു സമീപം 26 ന് രാവിലെ 6.15ന് ആയിരുന്നു അപകടം. സൈക്കിളിൽ പൊന്നാംവെളിയിലേക്ക് പോകുന്നതിനിടെ പെട്ടി ഓട്ടോ ഇടിക്കുകയായിരുന്നു. കൊച്ചിയിലെ സ്വകാര്യആശുപത്രിയിൽ പ്രവേശിപ്പിച്ചെങ്കിലും രാത്രി മരിച്ചു. ഭാര്യ : രമണി. മക്കൾ: രാകേഷ്, രാഹുൽ,രാഖി. മരുമക്കൾ: അശ്വതി, അഭി.