ചേർത്തല: തീരത്ത് കളിച്ച ശേഷം പൊന്തുവള്ളത്തിൽ ഫുട്ബാളുമായി കടലിൽ ഇറങ്ങിയ വിദ്യാർത്ഥിയെ തിരയിൽപ്പെട്ട് കാണാതായി. കടക്കരപ്പള്ളി പഞ്ചായത്ത് 14-ാം വാർഡിൽ ഒ​റ്റമശേരി ചിങ്കുതറ ടെൻസിയുടെ മകൻ ആൽബിനെയാണ് (19) കാണാതായത്. ഇന്നലെ ഉച്ചയ്ക്ക് 12 ഓടെയായിരുന്നു സംഭവം.ഒപ്പമുണ്ടായിരുന്ന രണ്ട് പേരെ നാട്ടുകാർ ചേർന്ന് രക്ഷപ്പെടുത്തി. മറൈൻ എൻഫോഴ്‌സ്‌മെന്റും ഫയർഫോഴ്‌സും കോസ്​റ്റൽ പൊലീസും നാട്ടുകാരും ചേർന്ന് തെരച്ചിൽ നടത്തിയെങ്കിലും കണ്ടെത്താനായില്ല. ചേർത്തല ഗവ. പോളിടെക്‌നിക് കോളേജിലെ വിദ്യാർത്ഥിയാണ്. മാതാവ്: വിജി. സഹോദരങ്ങൾ: അനശ്വര, ഹെയ്ഡൻ.