മാവേലിക്കര- നഗരസഭയുടെ നൂറാം വാർഷികത്തോട് അനുബന്ധിച്ച് ആസ്തി വികസന ഫണ്ട് ഉപയോഗിച്ച് നഗരസഭാ ബസ് സ്റ്റാന്റിൽ പണികഴിപ്പിച്ച ഷോപ്പിംഗ് കോംപ്ലക്സിന് നഗരസഭാ കൗൺസിലിന്റെ അംഗീകാരമില്ലാതെ ഇ.എം.എസിന്റെ പേര് നൽകിയതിനെതിരെ ബി.ജെ.പി ടൗൺ വടക്ക്, തെക്ക് ഏരിയാ കമ്മറ്റികളുടെ നേതൃത്വത്തിൽ നിൽപ്പ് സമരം നടത്തി. പ്രതിഷേധ സമരം ബി.ജെ.പി മാവേലിക്കര നിയോജക മണ്ഡലം പ്രസിഡന്റ് അഡ്വ.കെ.കെ.അനൂപ് ഉദ്ഘാടനം ചെയ്തു. രാജാ രവിവർമ്മയുടെ മകൻ ആർട്ടിസ്റ്റ് രാമവർമ്മ രാജയുടെ പേര് നൽകണമെന്ന് അദ്ദേഹം ആവശ്യപ്പെട്ടു.
ബി.ജെ.പി മാവേലിക്കര ടൗൺ വടക്ക് ഏരിയാ പ്രസിഡന്റ് സന്തോഷ് കുമാർ മറ്റം അധ്യക്ഷനായി. യോഗത്തിൽ നിയോജക മണ്ഡലം ജനറൽ സെക്രട്ടറി അഡ്വ.കെ.വി.അരുൺ മുഖ്യപ്രഭാഷണം നടത്തി. നഗരസഭാ പാർലമെന്ററി പാർട്ടി ലീഡർ എസ്.രാജേഷ്, ടൗൺ തെക്ക് ഏരിയാ പ്രസിഡന്റ് ജീവൻ.ആർ.ചാലിശ്ശേരിൽ, ജനറൽ സെക്രട്ടറിമാരായ സുജിത്ത് ആർ.പിള്ള, ആർ.ദേവരാജൻ, ജില്ലാകമ്മിറ്റി അംഗം വിജയകുമാർ പരമേശ്വരത്ത്, എസ്.സി മോർച്ച മണ്ഡലം സെക്രട്ടറി അനിൽ കോട്ടയ്ക്കകം, കൗൺസിലർമാരായ രാജേഷ് കുമാർ, സുജാതാദേവി, വിജയമ്മ ഉണ്ണികൃഷ്ണൻ, ജയശ്രീ അജയകുമാർ, ഉമയമ്മ വിജയകുമാർ, ശ്രീരഞ്ജിനിയമ്മ, ലതാ.ജി, എന്നിവർ പങ്കെടുത്തു.