ചേർത്തല: ഗവ.ഗേൾസ് ഹയർ സെക്കൻഡറി സ്‌കൂളിൽ വയലാർ രവി എം.പിയുടെ പ്രാദേശിക വികസന ഫണ്ടിൽ നിന്നും 52.50 ലക്ഷം രൂപ അനുവദിച്ച് പൂർത്തീകരിച്ച പുതിയ ക്ലാസ് മുറികളുടെ ഉദ്ഘാടനം ഓൺലൈനായി വയലാർ രവി എം.പി നിർവഹിച്ചു.ചേർത്തല നഗരസഭ ചെയർമാൻ വി.ടി ജോസഫ് അദ്ധ്യക്ഷത വഹിച്ചു. പ്രിൻസിപ്പൽ വി.എ.ഗോപൻ സ്വാഗതവും, കെ.എ.തോമസ് റപ്പോർട്ടും അവതരിപ്പിച്ചു.ശ്രീലേഖ ആർ.നായർ,ബി.ഭാസി,പി.ജ്യോതിമോൾ,എൻ.ആർ ബാബുരാജ്,കെ.ഉമയാക്ഷൻ, അനൂപ് വേണു, വി.രാജു എന്നിവർ സംസാരിച്ചു.