ന്യൂഡൽഹി:കൊവിഡ് വ്യാപന സാഹചര്യത്തിൽ ഒക്ടോബർ നാലിന് പരീക്ഷ നടക്കാനിരിക്കുന്ന സിവിൽ സർവീസ് പ്രിലിമിനറി പരീക്ഷ മാറ്റിവയ്ക്കണമെന്ന ഹർജി സുപ്രീം കോടതി തള്ളി. 20 പരീക്ഷാർത്ഥികൾ സമർപ്പിച്ച ഹർജിയാണ് തള്ളിയത്.കൊവിഡ് സാഹചര്യവും ചില സംസ്ഥാനങ്ങളിലുണ്ടായ കനത്ത മഴയും വെള്ളപ്പൊക്കവും കണക്കിലെടുത്ത് പരീക്ഷ രണ്ടോ മൂന്നോ മാസത്തേക്ക് മാറ്റിവയ്ക്കണമെന്നാണ് ഹർജിക്കാർ ആവശ്യപ്പെട്ടത്. എന്നാൽ ഈ വർഷത്തെ മറ്റ് പരീക്ഷകളുടെ സമയക്രമം തടസപ്പെടുന്നതിനാൽ പരീക്ഷ മാറ്റിവയ്ക്കാനാകില്ലെന്ന് യു.പി.എസ്.സി കൗൺസിൽ നേരത്തെ കോടതിയെ അറിയിച്ചിരുന്നു. എല്ലാ കൊവിഡ് മാർഗനിർദേശങ്ങളും പാലിച്ചുകൊണ്ട് പരീക്ഷ നടത്താൻ യു.പി.എസ്.സിക്ക് കോടതി നിർദ്ദേശം നൽകി.