കളമശേരി: ഏലൂർ മുനിസിപ്പൽ ടൗൺ ഹാൾ എന്ന ദീർഘനാളത്തെ സ്വപ്നം സഫലാകുന്നു. ഈ മാസം തന്നെ പണി പൂർത്തീകരിക്കാനുള്ള കഠിനശ്രമത്തിലാണ് നിർമ്മാണത്തിന് മേൽനോട്ടം വഹിക്കുന്ന കൗൺസിലർ ജോസഫ് ഷെറിയും സംഘവും.

2010 കാലഘട്ടത്തി​ലാണ് ടൗൺ​ഹാൾ പദ്ധതി​ക്ക് തു‌ടക്കമായത്. പി​ന്നെ

ഇഴഞ്ഞ് നീങ്ങുകയായി​രുന്നു. ഈ വർഷം ഫെബ്രുവരി​യി​ൽ എൽ.ഡി​.എഫ് ഭരണസമി​തി​ ഇക്കൊല്ലം തന്നെ പണി​ പൂർത്തീകരി​ക്കാൻ കൗൺ​സി​ലർ ജോസഫ് ഷെറിയെ മേൽനോട്ടം ഏൽപ്പിച്ചക്കുകയായി​രുന്നു.

മാർച്ചിൽ ലോക്ഡൗൺ മൂലം ഒരു മാസത്തോളം പണി നിർത്തിവയ്‌ക്കേണ്ടിവന്നു. നി​ർമ്മാണ സാമഗ്രി​കൾ ലഭ്യമാകാതെ വന്നതും ജോലി​ക്കാരുടെ പ്രശ്നവുമെല്ലാം പ്രതി​സന്ധി​കൾ സൃഷ്ടി​ച്ചതായി​ ജോസഫ് ഷെറി പറഞ്ഞു.

90% പണിയും പൂർത്തി​യായി​. ഈ ഭരണസമിതിയുടെ കാലാവധിക്കുള്ളിൽ പണി പൂർത്തീകരിക്കാനുള്ള ഉറച്ച തീരുമാനത്തി​ലാണ് കോൺട്രാക്ടർ പി. ബി. മനാഫും തൊഴിലാളികളും. മുനി​സിപ്പൽ സെക്രട്ടറി സുഭാഷും മുൻസിപ്പൽ എൻജി​നി​യർ സുഭാഷും പി​ന്തുണയുമായി​ രംഗത്തുണ്ട്.

പാതാളം ജംഗ്ഷനിൽ ടി.സി.സി കമ്പനിയുടെ 50 സെന്റ് ഭൂമി ടൗൺ​ഹാളി​നായി​ വിലകൊടുത്തു വാങ്ങി​യതാണ്. 2009 സെപ്തംബർ 12ന് മന്ത്രി എളമരം കരീം തറക്കല്ലിട്ടു. മൂന്നു കോടി രൂപയ്ക്ക് മനാഫ് പുതിയടത്താണ് 2012ൽ നി​ർമ്മാണ കരാർ ഏറ്റെടുത്തത്.

2013 ൽ കെട്ടിടത്തിന്റെ സ്ട്രക്ച്ചർ പൂർത്തീകരിച്ചപ്പോഴാണ് എസ്റ്റിമേറ്റിലെ പിഴവ് ശ്രദ്ധയിൽപ്പെട്ടത്. അതോടെ പണി അവതാളത്തിലായി.

പി​ന്നീട് എസ്റ്റിമേറ്റ് തുക 5 കോടി 38 ലക്ഷം രൂപയായി ഉയർത്തി​യത് വിജിലൻസ് കേസി​ൽ കലാശി​ച്ചു. കേസിൽ കഴമ്പില്ലെന്ന് കണ്ട് കോടതി നടപടികൾ അവസാനിപ്പിച്ചെങ്കിലും പണി മുന്നോട്ടു പോയില്ല. ഭരണസമിതി നിരവധി തവണ നി​ർദേശി​ച്ചെങ്കി​ലും കരാറുകാരൻ വഴങ്ങി​യി​ല്ല.

വ്യവഹാരങ്ങളെ തുടർന്ന് 2019 ആഗസ്റ്റിൽ കരാറുകാരൻ നഗരസഭയുമായി വീണ്ടും കരാർ ഒപ്പുവച്ചു. എങ്കി​ലും നി​ർമ്മാണം മന്ദഗതി​യി​ലായി​രുന്നു.

ഇടതു പ്രകടന പത്രികയിലെ പ്രധാനവാഗ്ദാനങ്ങളിൽ ഒന്നായിരുന്നു മുൻസിപ്പൽ ടൗൺ ഹാൾ നിർമ്മാണം. ഇത് കണക്കി​ലെടുത്താണ് ജോസഫ് ഷെറി​യെ ഈ ദൗത്യം ഏൽപ്പി​ച്ചത്.

2 കോടി രൂപയുടെ ഇലക്ട്രിക്കൽ, ഫയർ & സേഫ്റ്റി​, എയർ കണ്ടീഷൻ പണി​കൾക്ക് ആഗസ്റ്റിൽ കരാർ വച്ചെങ്കിലും കരാറുകാർ പണികൾ ആരംഭിച്ചിട്ടില്ല. ഒരു മാസത്തി​നുള്ളി​ൽ തന്നെ ഈ പണി​കളും തീർക്കാനാകുമെന്ന് പ്രതീക്ഷയാണുള്ളതെന്ന് ജോസഫ് ഷെറി​ പറഞ്ഞു.