അങ്കമാലി: സി.പി.എം നേതാവ് എം. ജെ. ഡേവിസിന്റെ രണ്ടാം ചരമ വാർഷിക ദിനാചരണവും സ്മാരക ഹാളിന്റെ ഉദ്ഘാടനവും നാളെ നടക്കും. ചന്ദ്രപ്പുരയിൽ സി.പി.എം ലോക്കൽ കമ്മിറ്റി ഓഫീസിന്റെ മുകളിൽ പണികഴിപ്പിച്ചിട്ടുള്ള സ്മാരക ഹാളിന്റെ ഉദ്ഘാടനം രാവിലെ 9.30 ന് ജില്ലാ സെക്രട്ടറി സി.എൻ. മോഹനൻ നിർവഹിക്കും. എം സി ജോസഫൈൻ ഫോട്ടോ അനാച്ഛാദനം ചെയ്യും. അഡ്വ. ബിബിൻ വർഗീസ് അദ്ധ്യക്ഷനാകും. പഞ്ചായത്ത് തിരഞ്ഞെടുപ്പ് കമ്മിറ്റി ഓഫീസ് ജില്ലാ സെക്രട്ടേറിയറ്റംഗം എം.പി. പത്രോസ് ഉദ്ഘാടനം ചെയ്യും.