കൊച്ചി: ജില്ലഹോമിയോ ആശുപത്രിയുടെ രണ്ടാംഘട്ട നിർമ്മാണോദ്ഘാടനവും ശിലാസ്ഥാപനവും ഹൈബി ഈഡൻ എം.പി നിർവഹിച്ചു. ആരോഗ്യമേഖലയിൽ ഹോമിയോപ്പതി വകുപ്പ് ശക്തമായ ഇടപെടലുകൾ നടത്തിവരുന്നതായും ജീവിത ശൈലീരോഗങ്ങൾ, വസ്യതനിവാരണ മേഖല എന്നിവ ഉൾപ്പടെ ഹോമിയോപ്പതിയുടെ സേവനം ഫലപ്രാപ്തി കൈവരിച്ചതായും എം.പി. പറഞ്ഞു.

ടി.ജെ.വിനോദ് എം.എൽ.എ അദ്ധ്യക്ഷത വഹിച്ചു. ആശുപത്രി സൂപ്രണ്ട് ഡോ.ജിജി വർഗീസ് , ഹോമിയോപ്പതി ജില്ലാ മെഡിക്കൽ ആഫീസർ ഡോ.ലീനാ റാണി, പാലക്കാട് ഹോമിയോപ്പതി ജില്ലാ മെഡിക്കൽ ആഫീസർ ഡോ.ജെ. ബോബൻ, ആർ.എം.ഒ. ഡോ. ശോഭാചന്ദ്രൻ, എറണാകുളം പി.ഡബ്ലൂ.ഡി എക്‌സിക്യൂട്ടീവ് എൻജിനീയർ ഇന്ദു എന്നിവർ സംസാരിച്ചു.