കോലഞ്ചേരി: മഴുവന്നൂർ പഞ്ചായത്തിലെ വലമ്പൂർ അങ്കണവാടിയുടെ ഒന്നാം നിലയിൽ ജില്ലാ പഞ്ചായത്ത് ഫണ്ട് ഉപയോഗിച്ച് പണി പൂർത്തീകരിച്ച കോൺഫറൻസ് ഹാൾ ജില്ലാ പഞ്ചായത്തംഗം ജോർജ് ഇടപ്പരത്തി ഉദ്ഘാടനം ചെയ്തു. ക്ഷേമകാര്യ സ്​റ്റാൻഡിംഗ് കമ്മി​റ്റി ചെയർമാൻ അരുൺവാസു അദ്ധ്യക്ഷനായി. പി എസ് ഗിരിജ, ഇ.എ തമ്പി ഗണേശൻ, കെ.കെ നാരായണൻ നായർ, പി.എസ് ഗോപാലൻ,സുമ ശിവദാസ് തുടങ്ങിയവർ സംബന്ധിച്ചു.ജില്ലാ പഞ്ചായത്തിൽ നിന്നും അനുവദിച്ച 5 ലക്ഷം രൂപ ഉപയോഗിച്ചാണ് ആധുനിക രീതിയിൽ 70 പേർക്ക് ഇരിക്കാവുന്ന വിധം കോൺഫറൻസ് ഹാളിന്റെ പണി പൂർത്തീകരിച്ചത്.