കൊച്ചി: യുവതാരങ്ങളെ വാർത്തെടുക്കുക ലക്ഷ്യമിട്ട് കേരള ബ്ലാസ്റ്റേഴ്‌സ് എഫ്.സി കെ.ബി.എഫ്.സി യംഗ് അംബാസഡർ പ്രോഗ്രാം ആരംഭിച്ചു. കായികരംഗത്തോടുള്ള ഇഷ്ടത്തിലൂടെയും ക്ലബിനോടുള്ള അഭിനിവേശത്തിലൂടെയും ശക്തമായ കൂട്ടായ്മകൾ സൃഷ്ടിക്കുകയും കെട്ടിപ്പടുക്കുകയും ചെയ്യുക, ക്ലബ് അംഗീകരിക്കുന്ന യുവാക്കളുടെ ഒരുശൃംഖല വികസിപ്പിക്കുക എന്നിവയും പദ്ധതിയുടെ ലക്ഷ്യങ്ങളാണ്. സംരംഭത്തിന്റെ ഭാഗമായി യംഗ് ബ്ലാസ്റ്റേഴ്‌സ് കേന്ദ്രങ്ങളിൽനിന്നുള്ള കുട്ടികൾക്ക് ക്ലബ്ബിന്റെ മുഖവും ശബ്ദവുമായി മാറുന്നരീതിയിൽ നൈപുണ്യ സാങ്കേതികവിദ്യാ പരിശീലനത്തിലൂടെ മാർഗനിർദേശം നൽകും.
അതുൽ പി. ബിനു, ഫ്രാൻസിയോ ജോസഫ്, ജോവിയൽ പി. ജോസ്, സിദ്ധാർത്ഥ് സി ബസു എന്നിവരാണ് ക്ലബ്ബിന്റെ ആദ്യ നാല് യുവ അംബാസഡർമാർ. ഇവർക്കായി ക്ലബ്ബ് ഒരു ഓൺലൈൻ ഓറിയന്റേഷൻ സെഷൻനടത്തിയിരുന്നു. ക്ലബിന്റെ എല്ലാ പരിപാടികളിലും മുതിർന്ന അംബാസഡർമാരുമായി ചേർന്ന് പ്രവർത്തിക്കാൻ യുവാക്കൾക്ക് പ്രോഗ്രാം അവസരമൊരുക്കും.
യുവാക്കളുടെ ശബ്ദത്തിലും ശക്തിയിലും വിശ്വസിക്കുന്ന ഒരു സംരംഭം എന്ന നിലയ്ക്ക് യംഗ് അംബാസഡർ പ്രോഗ്രാം സ്‌പോർട്‌സിലൂടെ വിദ്യാഭ്യാസവും ശാക്തീകരണവും ലക്ഷ്യമിടുന്നു. പ്രാദേശിക സ്‌കൂളുകളെയും കൂട്ടായ്മയെയും കണ്ടെത്തി അവരുമായി ചേർന്ന് പ്രവർത്തിക്കുന്നതിന് ഇത് അവസരമൊരുക്കും.
നിഖിൽ ഭരദ്വാജ്
ഉടമ
കേരള ബ്ലാസ്റ്റേഴ്‌സ് എഫ് സി