പള്ളുരുത്തി: മണ്ഡലം സർവീസ് സഹകരണ ബാങ്കിന്റെ ശതാബ്ദിയോടനുബന്ധിച്ച് സൗജന്യമായി നിർമ്മിച്ച് നൽകുന്നന്ന അഞ്ചാമത്തെ വീടിന്റെ തറക്കല്ലിടൽ കർമ്മം പ്രസിഡന്റ് ടി.കെ.വൽസൻ നിർവഹിച്ചു. പള്ളുരുത്തി സ്വദേശി തുണ്ടിപറമ്പിൽ പി.കെ.രമണിക്കാണ് വീട് നിർമ്മിച്ചു നൽകുന്നത്. ചടങ്ങിൽ കെ.പി.ശെൽവൻ അദ്ധ്യക്ഷത വഹിച്ചു. എം.എസ്.രമേശൻ, ഹേമ ജയരാജ്, കെ.സതി, കെ.പി.സോമൻ തുടങ്ങിയവർ സംബന്ധിച്ചു.