മൂവാറ്റുപുഴ: കാർഷിക മേഖലയെ കോർപ്പറേറ്റുകൾക്ക് തീറെഴുതുന്ന കേന്ദ്ര സർക്കാർ നിയമനിർമ്മാണത്തിന് എതിരെ കിസാൻ സംഘർഷ് കോഡിനേഷൻ കമ്മിറ്റി സംഘടിപ്പിക്കുന്ന അഖിലേന്ത്യ കർഷക പ്രക്ഷോഭത്തിന്റെ ഭാഗമായി മൂവാറ്റുപുഴ പോസ്റ്റ് ഓഫീസിനുമുമ്പിൽ പ്രതിഷേധസമരം സംഘടിപ്പിച്ചു. സമരം കർഷക സംഘം സംസ്ഥാന വൈസ് പ്രസിഡന്റ് പി.എം. ഇസ്മയിൽ ഉദ്ഘാടനം ചെയ്തു. കർഷക സംഘം ഏരിയാ പ്രസിഡന്റ് യു.ആർ. ബാബു അദ്ധ്യക്ഷത വഹിച്ചു. കർഷക സംഘം ജില്ലാ ജോയിന്റ് സെക്രട്ടറി കെ. എൻ. ജയപ്രകാശ്, കിസാൻ സഭ ജില്ലാ കമ്മിറ്റി അംഗം ഒ.സി.ഏലിയാസ്, മണ്ഡലം സെക്രട്ടറി എൻ.പി.പോൾ, കർഷക സംഘം ഏരിയ വൈസ് പ്രസിഡന്റ് കെ.എം.സീതി, വില്ലേജ് സെക്രട്ടറി പി.ബി.അജിത് കുമാർ തുടങ്ങിയവർ സംസാരിച്ചു.