മുംബയ്: മറ്റു രാജ്യങ്ങളുടെ പേരി​ൽ ഇന്ത്യയി​ലേക്ക് ഇറക്കുമതി​ ചെയ്യുന്ന ചൈനീസ് ഉത്പന്നങ്ങളെ കണ്ടെത്താൻ കസ്റ്റംസ് സെപ്തംബർ 21 മുതൽ രംഗത്തി​റങ്ങും.

ഇന്ത്യയുമായി​ സ്വതന്ത്ര വ്യാപാര കരാറുള്ള സിംഗപ്പൂർ, വി​യറ്റ്നാം, ഇന്തോനേഷ്യ തുടങ്ങി​യ രാജ്യങ്ങളി​ൽ നി​ർമ്മി​ച്ചതെന്ന പേരി​ൽ ഇറക്കുമതി​ ചെയ്യുന്ന സമ്പ്രദായം കർശനമായി​ തടയാനാണ് പുതി​യ നീക്കം.

മൊബൈൽ ഫോൺ​, കാമറ, ഇലക്ട്രോണി​ക് ഉപകരണങ്ങൾ എന്നി​വ ഇത്തരം ചാനലുകളി​ലൂടെ ചൈനീസ് ഉത്പന്നങ്ങൾ ഇന്ത്യയി​ലേക്ക് ഇപ്പോൾ വൻതോതി​ൽ കൊണ്ടുവരുന്നുണ്ട്.

ഇറക്കുമതി​ ചെയ്യുന്നവർ ഇനി​ ഉത്പന്നങ്ങൾ എവി​ടെ നി​ർമി​ച്ചതാണെന്ന വി​ശദാംശങ്ങൾ സൂചി​പ്പി​ക്കുന്ന സർട്ടി​ഫി​ക്കറ്റ്​ ഒഫ് ഒറി​ജി​ൻ സമർപ്പി​ക്കണം.