പറവൂർ: വടക്കേക്കര ഗ്രാമപഞ്ചായത്തിലെ എല്ലാ വീടുകളിലും മധുരക്കിഴങ്ങ് കൃഷിയെന്ന ലക്ഷ്യത്തോടെ കേന്ദ്ര കിഴങ്ങുവിള ഗവേഷണ കേന്ദ്രത്തിന്റെ സഹായത്തോടെയുള്ള മധുരക്കിഴങ്ങ് കൃഷിക്ക് തുടക്കമായി. ആദ്യഘട്ടം 8000 ത്തോളം വള്ളികൾ വിതരണം ചെയ്തത്. മൂന്നു മാസം കൊണ്ട് പഞ്ചായത്തിലെ വീടുകളുടെ മുറ്റങ്ങളിൽ മധുരക്കിഴങ്ങ് വിളയും. സംസ്ഥാനത്താദ്യമായാണ് ഒരു പഞ്ചായത്തിലെ എല്ലാ വീടുകളിലും മധുരക്കിഴങ്ങ് കൃഷി പദ്ധതിയായ സി.ടി.സി.ആർ.ഐ നടപ്പിലാക്കുന്നത്. പഞ്ചായത്തുതല ഉദ്ഘാടനം പ്രസിഡന്റ് കെ.എം. അംബ്രോസ് നിർവഹിച്ചു. എൻ.സി. ഹോച്ച്മിൻ അദ്ധ്യക്ഷത വഹിച്ചു. സി.ടി.സി.ആർ.ഐ പ്രിൻസിപ്പൽ സയന്റിസ്റ്റ് ഡോ. ജി. ബൈജു, പഞ്ചായത്തംഗങ്ങളായ എം.ഡി. മധുലാൽ, കെ.വി. പ്രകാശൻ, കൃഷി ഓഫീസർ എൻ.എസ്. നീതു, സി.ട.സി.ആർ.ഐ ടെക്കിനിക്കൽ അസിസ്റ്റന്റ് റെജിൻ, പഞ്ചായത്ത് സെക്രട്ടറി എം.കെ. ബിജു, കൃഷ് അസിസ്റ്റന്റുമാരായ വി.എസ്. ചിത്രാ, എസ്.കെ. ഷിനു തുടങ്ങിയവർ പങ്കെടുത്തു.