മൂവാറ്റുപുഴ: എസ്.എൻ.ഡി.പി യോഗം 4832-ാം നമ്പർ കക്കാട്ടൂർ ശാഖയുടെ ആഭിമുഖ്യത്തിൽ ശ്രീനാരായണ ഗുരുദേവ സമാധിദിനം ആചരിക്കും. രാവിലെ 9ന് ആരംഭിക്കുന്ന ഉപവാസവും പ്രാർത്ഥനയും വൈകിട്ട് 3.30 ന് സമാപിക്കും. തുടർന്ന് ശാഖാ പ്രവർത്തന പരിധിക്കുള്ളിൽ കൊവിഡ് ബാധിച്ച എല്ലാകുടുംബങ്ങൾക്കും നൽകുന്ന ഭക്ഷ്യധാന്യ കിറ്റുകളുടെ വിതരണോദ്ഘാടനം മൂവാറ്റുപുഴ യൂണിയൻ പ്രസിഡന്റ് വി.കെ. നാരായണൻ നിർവഹിക്കും. ശാഖായോഗം പ്രസിഡന്റ് വി.എ. സുനിൽകുമാർ അദ്ധ്യക്ഷത വഹിക്കും. ശാഖാ സെക്രട്ടറി പി.വി. ശശീന്ദ്രൻ സ്വാഗതം പറയും. ഗ്രാമപഞ്ചായത്ത് പ്രസിഡന്റ് നിർമ്മല മോഹനൻ മുഖ്യാതിഥിയായിരിക്കും. യൂണിയൻ വൈസ് പ്രസിഡന്റ് പി.എൻ. പ്രഭ മുഖ്യപ്രഭാഷണം നടത്തും. യൂണിയൻ സെക്രട്ടറി ഇൻ ചാർജ് അഡ്വ .എ.കെ. അനിൽകുമാർ, യോഗം ഡയറക്ടർ ബോർഡ് മെമ്പർമാരായ അഡ്വ. എൻ. രമേശ്, പ്രമോദ് കെ. തമ്പാൻ, വാർഡ് മെമ്പർ ബിന്ദുശശി, യൂണിയൻ കൗൺസിലർ അജി വേണാൽ , യൂണിയൻ കമ്മിറ്റി അംഗം പി.വി. അശോകൻ എന്നിവർ സംസാരിക്കും.