പറവൂർ: കുഞ്ഞിത്തൈ സർവീസ് സഹകരണ ബാങ്കിന് ഭരണസമിതി അംഗങ്ങളും ജീവനക്കാരും ചേർന്നാരംഭിച്ച കരനെൽ കൃഷിയുടെ കൊയ്ത്ത് ഉത്സവവും ജൈവപച്ചക്കറി വിളവെടുപ്പും വി.ഡി. സതീശൻ എം.എൽ.എ ഉദ്ഘാടനം ചെയ്തു. കുഞ്ഞിത്തൈയിലെ ഉപ്പുകലർന്ന മണ്ണിൽ സർവീസ് സഹകരണ ബാങ്കിന്റെ സഹായത്തോടെ വടക്കേക്കര കൃഷിഭവന്റെ മേൽനോട്ടത്തിൽ പത്തേക്കറോളം സ്ഥലത്ത് കൃഷി ചെയ്തുവരികയാണ്. കുഞ്ഞിത്തൈ സർവീസ് സഹകരണ ബാങ്ക് പ്രസിഡന്റ് ടി.കെ. ബാബു അദ്ധ്യക്ഷത വഹിച്ചു. വടക്കേക്കര ഗ്രാമപഞ്ചായത്ത് പ്രസിഡന്റ് കെ.എം. അംബ്രോസ് മുഖ്യ പ്രഭാഷണം നടത്തി.

പറവൂർ ബ്ലോക്ക് പഞ്ചായത്ത് അംഗങ്ങളായ പി.ആർ. സൈജൻ, രജിതാശങ്കർ, ബാങ്ക് വൈസ് പ്രസിഡന്റ് ജോർജ് തച്ചിലകത്ത്, സഹകണ വകുപ്പ് അസി. രജിസ്ട്രാർ വി.വി. ദേവരാജൻ, കൃഷി ഓഫീസർ എൻ.എസ്. നീതു, ബാങ്ക് സെക്രട്ടറി ടി.എൻ. ലസിത, കൃഷി അസിസ്റ്റന്റ് എസ്.കെ. ഷിനു, ബാങ്ക് ഭരണസമതിഅംഗങ്ങൾ, കർഷകർ തുടങ്ങിയവർ പങ്കെടുത്തു.