കോലഞ്ചേരി: വടവുകോട് ബ്ലോക്ക് പഞ്ചായത്ത് ഭിന്നശേഷി സഹായ ഉപകരണങ്ങൾ വിതരണം ചെയ്തു. പ്രസിഡന്റ് ഗൗരി വേലായുധൻ വിതരണോദ്ഘാടനം നടത്തി. വൈസ് പ്രസിഡന്റ് ബിനീഷ് പുല്യാട്ടേൽ അദ്ധ്യക്ഷനായി.സ്​റ്റാൻഡിംഗ് കമ്മി​റ്റി ചെയർമാന്മാരായ എൻ.എൻ രാജൻ, ലത സോമൻ, അംഗങ്ങളായ അനിബെൻ കുന്നത്ത്, ബി.ഡി.ഒ ജി.രാജ്കുമാർ, സി.ഡി.പി.ഒ ശാലിനി പ്രഭ എന്നിവർ സംസാരിച്ചു.

ബ്ലോക്ക് പഞ്ചായത്ത് പരിധിയിൽ വരുന്ന ആറ് പഞ്ചായത്തുകളിലെ 38 ഗുണഭോക്താക്കൾക്ക് 12 തരം സഹായ ഉപകരണങ്ങളാണ് വിതരണം ചെയ്തത്.