കൊച്ചി: ഓറഞ്ച് അലർട്ട് പ്രഖ്യാപിച്ച സാഹചര്യത്തിൽ ദുരന്തസാദ്ധ്യതാ മേഖലകളിലുള്ളവരെ മുൻകരുതലിന്റെ ഭാഗമായി ഉടനെ ക്യാമ്പുകളിലേക്ക് മാറ്റാൻ കളക്ടർ എസ്. സുഹാസ് നിർദേശം നൽകി. രാത്രിസമയങ്ങളിൽ മഴശക്തിപ്പെടുന്നതിനാൽ ഉരുൾപൊട്ടൽ, മണ്ണിടിച്ചിൽ സാദ്ധ്യതയുള്ള പ്രദേശങ്ങളിൽ പകൽസമയം തന്നെ നിർബന്ധപൂർവം ആളുകളെ മാറ്റി താമസിപ്പിക്കും .മണ്ണിടിച്ചിൽ മൂലമുള്ള അപകടങ്ങൾക്ക് സാദ്ധ്യത ഉള്ളതിനാൽ വൈകിട്ട് ഏഴുമുതൽ പരാവിലെഏഴുവരെയുള്ള സമയത്ത് മലയോര മേഖലയിലേക്കുള്ള രാത്രിഗതാഗതം ഒഴിവാക്കണമെന്നും കളക്ടർ അറിയിച്ചു