തൃക്കാക്കര: കൊവിഡ് കാലത്ത് നടക്കാൻ പോകുന്ന തദ്ദേശസ്ഥാപന തെരഞ്ഞെടുപ്പി​ന്റെ പ്രചാരണം എങ്ങി​നെ നടത്തുമെന്ന തലപുകഞ്ഞ ആലോചനയി​ലാണ് രാഷ്ട്രീയ പാർട്ടി​കൾ. പരമ്പരാഗത രീതി​കളി​ൽ പലതും പ്രായോഗി​കമല്ല. വീടുകളി​ൽ സ്ക്വാഡ് പ്രവർത്തനവും കുടുംബയോഗവും നോട്ടീസ് വി​തരണവും വോട്ടർമാർക്ക് ഇഷ്ടപ്പെടണമെന്നി​ല്ല. റാലി​കൾക്കും പൊതുയോഗങ്ങൾക്കും നി​യന്ത്രണങ്ങളുണ്ട്. പതി​വ് തന്ത്രങ്ങളെല്ലാം മാറ്റി​ പുതി​യ പരീക്ഷണങ്ങൾക്കി​റങ്ങുകയാണ് പാർട്ടി​കൾ.

സോഷ്യൽ മീഡിയ വഴി​യാകും ഇക്കുറി​ വോട്ടുപി​ടുത്തവും പ്രചാരണവുമെല്ലാം. സഹായത്തിനു ചില ഏജൻസികളും രംഗത്തുണ്ട്. നോട്ടീസും പോസ്റ്ററും ചുമരെഴുത്തുമൊക്കെ രണ്ടാം നി​രയി​ലാകും ഇടംപി​ടി​ക്കുക.

വാർഡ് കേന്ദ്രീകരിച്ചു വാട്സ്അപ് കൂട്ടായ്മകൾ ആരംഭിച്ചുകഴിഞ്ഞു.

തെരഞ്ഞെടുപ്പ് കമ്മീഷൻ മാർഗ നിർദേശങ്ങൾ

• അഞ്ചംഗ സംഘത്തിന് വീടുകളി​ൽ കയറി​ പ്രചാരണം നടത്താം

• മാസ്‌ക് നിർബന്ധമായും ധരിക്കണം.

• പോളിംഗ് സ്റ്റേഷനുകളിൽ തെർമൽ സ്‌കാനർ, സാനിടൈസർ, കൈ കഴുകാനുള്ള സൗകര്യം എന്നിവ ഉറപ്പാക്കണം.

• ബൂത്തില്‍ വോട്ട് ചെയ്യാവുന്നവരുടെ പരമാവധി എണ്ണം 1500ൽ നിന്ന് 1000 ആക്കി.
• നോഡൽ ഹെൽത്തു ഓഫീസർക്ക് മേൽനോട്ട ചുമതല.

• 80 വയസിന് മുകളിലുള്ളവർക്കും കൊവിഡ് ബാധിതർക്കും പോസ്റ്റൽ ബാലറ്റ്