കളമശേരി: ഫാക്ട് ഹൈസ്ക്കൂൾ 60-ാം വാർഷികത്തോടനുബന്ധിച്ച് കേരളകൗമുദി പ്രസിദ്ധീകരിച്ച പ്രത്യേക പതിപ്പ് ഫാക്ട് ജനറൽ മാ നേജർ (എച്ച്.ആർ & അഡ്മിനിസ്ട്രേഷൻ) എ.ആർ.മോഹൻകുമാർ പ്രകാശനം ചെയ്തു. പ്രധാന അദ്ധ്യാപിക എസ്. ജയശ്രീ പതിപ്പ് ഏറ്റുവാങ്ങി. വിദ്യാലയം സ്ഥാപിച്ച എം.കെ.കെ നായരോടുള്ള ആദരസൂചകമായി അദ്ദേഹത്തിന്റെ ഓർമ്മദിനത്തി​ലാണ് പതി​പ്പി​റക്കി​യത്. കൊവി​ഡ് പശ്ചാത്തലത്തിൽ ആഘോഷങ്ങൾ ഒഴിവാക്കിയതി​നാൽ പൂർവ്വ വിദ്യാർത്ഥികളുടെ കലാലയ സ്മരണകളെ തൊട്ടുണർത്താൻ പ്രത്യേക പതി​പ്പ് ഇറക്കി​യത്പ്രശംസനീയമാണെന്ന് മോഹൻകുമാർ പറഞ്ഞു. കെ.ചന്ദ്രൻ പിള്ള, രക്ഷാധികാരി എസ്. ജയതിലകൻ, കെ.ബി. ഷിബു എന്നിവർ സംസാരിച്ചു. മാനേജ്മെൻ്റ് സമിതി പ്രസിഡൻ്റ് എസ്.ജി.ഉണ്ണിത്താൻ അദ്ധ്യക്ഷത വഹിച്ചു. ഹൈസ്ക്കൂൾ അലുമിനി ജനറൽ സെക്രട്ടറി അനിരുദ്ധൻ പി.എസ് നന്ദി പറഞ്ഞു.