തൃക്കാക്കര : എസ്.എസ്.എൽ.സി പരീക്ഷയിൽ എല്ലാ വിഷയങ്ങൾക്കും ബി പ്ളസിൽ കുറയാത്ത ഗ്രേഡുള്ള പട്ടികജാതി വിഭാഗത്തിൽപെടുന്ന വിദ്യാർത്ഥികൾക്ക് മെഡിക്കൽ /എൻജിനിയറിംഗ് പ്രവേശനപരീക്ഷാ പരിശീലനത്തിന് ധനസഹായം. കഴിഞ്ഞ മാർച്ചിൽ പരീക്ഷയിൽ പാസായവരെയാണ് പരിഗണിക്കുന്നത്.
വാർഷികവരുമാനം 450000 രൂപ കവിയാത്ത ഈ അദ്ധ്യയനവർഷം ഗവ./എയ്ഡഡ് സ്കൂളുകളിൽ ഹയർ സെക്കൻഡറി സ്കൂളിൽ പഠിക്കുന്നവർക്ക് തിരഞ്ഞെടുത്ത കേന്ദ്രങ്ങളിലാണ് പരിശീലനത്തിന് ധനസഹായം നൽകുന്നത്. അർഹരായവർ പൂരിപ്പിച്ച അപേക്ഷ, എസ്.എസ്.എൽ.സി സർട്ടിഫിക്കറ്റ്, ജാതി /വരുമാന സർട്ടിഫിക്കറ്റുകളുടെ പകർപ്പ്, പരിശീലന സ്ഥാപനങ്ങളിൽ ഫീസ് അടച്ചതിന്റെ രസീതി എന്നിവ സഹിതം ഒക്ടോബർ 15ന് മുമ്പായി ബ്ലോക്ക്‌, മുനിസിപ്പാലിറ്റി, കോർപറേഷൻ ഓഫീസുകളിൽ സമർപ്പിക്കണം.