കൊച്ചി: പാലാരിവട്ടം മേൽപ്പാലത്തിലെ ടാറിംഗ് ഉൾപ്പടെയുള്ള ഭാഗങ്ങൾ നീക്കം ചെയ്തു തുടങ്ങി​. വെള്ളിയാഴ്ച കൊണ്ട് ടാറിംഗ് മാറ്റൽ പൂർത്തീകരിക്കും.

മുട്ടത്തുള്ള ഡി എം.ആർ.സി.യാർഡിലേക്കാണ് ഇവ നീക്കുന്നത്. സ്പാനുകളും ഗർഡറുകളും മുറിച്ചു മാറ്റൽ ശനിയാഴ്ച തുടങ്ങും. ഒരു മീറ്റർ നീളമുള്ളള കഷണങ്ങളായാണ് മുറി​ക്കുക. ഇവിടെ വച്ചുതന്നെ യന്ത്രസഹായത്തോടെ പൊടിക്കും. പൊടിശല്യം ഒഴി​വാക്കാൻ പാലത്തിനു ചുറ്റും നെറ്റ് കർട്ടൻ ഉപയോഗിക്കും.

മെട്രോമാൻ ഇ.ശ്രീധരൻ അടുത്തയാഴ്ച ആദ്യം പാലം സന്ദർശിക്കും. രണ്ടര മാസം കൊണ്ട് പൊളിക്കൽ പൂർത്തീകരിക്കാനാണ് തീരുമാനം. നിലവിലെ ഗതാഗത സംവിധാനം അതേപടി തുടരും.