കൊച്ചി: സർക്കാരിന്റെ മദ്യനയത്തിനെതിരെയും കൊവിഡ് കാലത്ത് മദ്യശാലകൾ തുറക്കാനുള്ള അണിയറ നീക്കത്തിലും പ്രതിഷേധിച്ച് കെ.സി.ബി.സി മദ്യവിരുദ്ധ സമിതി, കേരള മദ്യവിരുദ്ധ ഏകോപന സമിതി എന്നിവയുടെ നേതൃത്വത്തിൽ ഇന്ന് രാവിലെ 10.30 ന് അങ്കമാലി ടൗൺ കപ്പേള ജംഗ്ഷനിൽ നില്പുസമരം നടത്തും.

മദ്യവിരുദ്ധ പ്രവർത്തകൻ കൂടിയായ ടി.എൻ. പ്രതാപൻ എം.പി. സമരം ഉദ്ഘാടനം ചെയ്യും. കേരള മദ്യവിരുദ്ധ ഏകോപന സമിതി ചെയർമാൻ ജസ്റ്റിസ് പി.കെ.ഷംസുദ്ദീൻ അദ്ധ്യക്ഷത വഹിക്കും. റോജി എം. ജോൺ എം.എൽ.എ., കെ.സി.ബി.സി മദ്യവിരുദ്ധ കമ്മീഷൻ സെക്രട്ടറി ഫാ.ജോൺ അരീക്കൽ, അങ്കമാലി ബസിലിക്ക റെക്ടർ ഡോ. ഫാ. ജിമ്മി പൂച്ചക്കാട്ട്, സംസ്ഥാന ഭാരവഹികളായ അഡ്വ.ചാർളി പോൾ, തങ്കച്ചൻ വെളിയിൽ, സിസ്റ്റർ റോസ്മിൻ, ഫാ.ജോർജ് നേരേവീട്ടിൽ, കെ.എ.പൗലോസ് തുടങ്ങിയവർ പ്രസംഗിക്കും.

കൊവിഡ് മാനദണ്ഡങ്ങളനുസരിച്ചും സാമൂഹിക അകലം പാലിച്ചുമായിരിക്കും നില്പുസമരമെന്ന് ജനറൽ കൺവീനർ ഷൈബി പാപ്പച്ചൻ അറിയിച്ചു